HStAOrient5a: 101v

berāber bir şīşeye vażʿ ėdüb mīzān ile vezn ėdeler. Her // qanġısınuñ lebeni aġır ise püserüñ māderi oldur. // Ġarībü l‑ḥadīs̱: Pes Beşīr eyitdi: Ey Şādān bu ḥadīs̱üñ // maʿnāsı nedür ki resūlu llāh buyurur: Lā tasubbū d‑dahra fa‑inna d‑dahra // huwa llāh. Şādān eyitdi: ʿArab zamān‑i cāhilīyetde çün gendülere // qaḥṭ ve ġalā yėtişe zamāneye düş‑nām vėrürlerdi. Resūlu llāh // menʿ ve nehy ėtdi ve buyurdı ki: Sizüñ düş‑nāmuñuz maʿnāda // Allāh taʿālāya rāciʿ olur zīrā cemīʿ‑i fiʿlüñ ḫāliqi Allāhdur. // [Mesʾele:] Ve suʾāl eyitdi ki aḫbārda gelmişdür ki: Anna n‑nabīya ṣallā llāhu // ʿalayhi wa‑sallama nahā akla l‑faġami wa‑ramā l‑waġama. Faġam u vaġam nedür? Cevāb: // Faġam ser‑i ḫilāl ile dendān üzresinden çıqan baqīye‑i ṭaʿāmdur // ki pāyāna atmaq gerekdür. Ve vaġam aġız bucaqlarında bāqī // qalan ṭaʿāmdur [ki] anı yutmaq gerekdür dėdi. Suʾāl: Bu ḥadīs̱üñ // maʿnāsı nedür ki resūlu llāh buyurur: Lā ʿadwā wa‑lā hāmmata wa‑lā ṣafīr // wa‑lā ġūl. El‑ḥadīs̱. Cevāb: Maʿnā dėmekdür ki bu eşyāʾ‑i erbaʿanuñ // riʿāyeti şerʿde menhīdür. ʿAdwā sirāyet‑i cerebdür sirāyet // yoqdur. Sirāyet‑i maraż bi‑iẕni llāhdur. Hāmma meyyitüñ üstüḫᵛānı murġ // olub gūrında uçmaġa dėrler. Cāhilīyetde böyle dėrlerdi. // Ve Ṣafer ayında sefer ėtmezlerdi. Ve ġūl dėyü beyābānda ādemi çıqarub